Psa 23 | AmhNASV | STEP | የዳዊት መዝሙር። እግዚአብሔር እረኛዬ ነው፤ አንዳች አይጐድልብኝም።

Psalms 23

መልካሙ እረኛ

የዳዊት መዝሙር።

1 እግዚአብሔር እረኛዬ ነው፤
አንዳች አይጐድልብኝም።
2 በለመለመ መስክ ያሳርፈኛል፤
በዕረፍት ውሃ ዘንድ ይመራኛል፤
3 ነፍሴንም ይመልሳታል።
ስለ ስሙም፣
በጽድቅ መንገድ ይመራኛል።
4 በሞት ጥላ ሸለቆ ውስጥ ^{▼▼ወይም እጅግ ጨለማ በሆነው ሸለቆ ውስጥ}
ብሄድ እንኳ፣
አንተ ከእኔ ጋር ስለ ሆንህ፣
ክፉን አልፈራም፤
በትርህና ምርኵዝህ፣
እነርሱ ያጽናኑኛል።

5 ጠላቶቼ እያዩ፣
በፊቴ ማእድ አዘጋጀህልኝ፤
ራሴን በዘይት ቀባህ፤
ጽዋዬም ሞልቶ ይፈስሳል።
6 በሕይወቴ ዘመን ሁሉ፣
በጎነትና ምሕረት በርግጥ ይከተሉኛል፤
እኔም በእግዚአብሔር ቤት፣
ለዘላለም እኖራለሁ።